EverydaynewsKH

Thursday, August 9, 2018

សុខពិសីទទួលបានការគាំទ្រខ្លាំងនៅលើទឹកដីកូរ៉េខាងត្បូងលើកទី2 ត្រឡប់មកវិញដោយស្នាមញញឹមនិងភាពជោគជ័យ

តារាចម្រៀងដែលប្រិយមិត្តគ្រប៉គ្នាតែងតែសរសើរមិនដាច់ពីមាត់ទាំងរូបសម្រស់ និងសម្លេង កាលពីថ្មីៗនេះកញ្ញាទើបតែត្រឡប់មកពីប្រទេសកូរ៉េខាងត្បួង ដោយរួមដំណើរដោយតារារួមផលិតកម្មជាច្រើនអ្នកផងដែរ ។ ដោយក្តីស្រលាញ់មិនថារវល់ខ្លាំងប៉ុនណា សឹងតែរកពេលសម្រាកគ្មានក៏ដោយ កញ្ញានៅតែឆ្លៀតធ្វើដំណើរឆ្លងប្រទេសបង្ហាញខ្លួនដើម្បីរកមូលនិធិដើម្បីជួយដល់កុមារនិង ចាស់ជរាកម្ពុជាដោយមិនខ្វល់ពីការលំបាកទាំងការធ្វើដំណើរឆ្ងាយពីផ្ទះដល់ទៅជិត១សប្តាហ៍ ។
ក្រោមកម្តៅថ្ងៃកញ្ញានៅតែឈរបកស្រាយបទចម្រៀងជូនដល់បងប្អូនពលករខ្មែរ និងអ្នកដែលបានមកចូលរួមទស្សនាការប្រគុំតន្រ្តីទាំងពីកន្លែងនេះដោយស្នាមញញឹម ភាពរួសរាយរ៉ាក់ទាក់ និងរីករាយ ដោយថ្ងៃទី1ការប្រគុំតន្រ្តីធ្វើឡើងនៅទីក្រុងក្វាងជូរ និងថ្ងៃទី2ធ្វើឡើងនៅទីក្រុងអាន់សាន់ ។

ជាក់ស្តែងបងប្អូនជាច្រើនក៏បានបង្ហាញក្តីស្រលាញ់មកដល់រូបកញ្ញាយ៉ាងច្រើន ដោយពោលគ្រប់ៗគ្នាថា ស្រលាញ់សុខពិសី សុខពិសីីីីIdolសំណព្វចិត្ត រួមទាំងសម្លេងហោ សម្លេងទះដៃ ជាច្រើនមកលើរូបកញ្ញា ដែលធ្វើឲ្យ Idolក៏ញញឺមមិនដាច់ពីមាត់ដូចគ្នាដោយឃើញសន្ទុះនៃការគាំទ្រខ្លាំងបែបនេះ ទោះហត់ប៉ុនណា ក្តៅប៉ុនណា កញ្ញានៅតែបង្ហាយភាពរីករាយទៅកាន់បណ្តាអ្នកគាំទ្រវិញដូចគ្នា ។ មិនតែប៉ុណ្ណោះកញ្ញាសង្ឃឹមថានឹងត្រឡប់មកជួបបងប្អូនខ្មែរនៅប្រទេសកូរ៉េម្តងទៀតនៅឪកាសក្រោយផងដែរ ។

រក្សាសិទ្ធរូបភាព : Rorng Minho
ទស្សនាវីដេអូខាងក្រោម :

Thursday, May 31, 2018

សុខពិសីដាក់មនោសញ្ចេតនាខ្លាំងក្នុងបទចម្រៀងថ្មី កំសត់ត្រូវរឿងអ្នកទើបបាត់បង់ស្នេហា

កំពូលតារាចម្រៀងដែលមិត្តៗយុវវ័យសរសើរគ្រប់គ្នាថាជាតារាចម្រៀងដែលពោរពេញទៅដោយមនោសញ្ចេតនាស្ទើរតែគ្រប់បទចម្រៀង មិនថាកំសត់ ញាក់ នឹងបែបSweet Sweetនោះទេ គេសង្កេតឃើញថាបទចម្រៀងរបស់កញ្ញាតែងតែទទួលបានការគាំទ្រខ្លាំងគ្រប់ពេលដែលធ្វើការបង្ហោះនៅតាមបណ្តាញសង្គមនាៗ ។ ក្រោយពីជោគជ័យខ្លាំងលើបទចម្រៀងកន្លងមកដែលមានដូចជាបទ " គេមិនបានស្រលាញ់យើងទេ " " បើស្រលាញ់ហេតុអ្វីបងមិនខ្វល់ " " បំភ្លេចពាក្យបែកបានទេ " " ចាស់ទៅនៅSweetទៀតអត់? " " ចង់ក្លាយជាអ្នកចម្រៀង " និង " ហេតុអ្វីយកអូនលេងសើច " ដោយទទួលបានអ្នកចូលទស្សនានឹងស្តាប់កម្សាន្តយ៉ាងច្រើនរហូតបទខ្លះមានអ្នកទស្សនាដល់ទៅ 1លានដងក្នុងរយះពេល1សប្តាហ៍ទៀតផង ។

កាលពីល្ងាចម្សិលមិញនេះផលិតកម្មសាន់ដេក៏ទើបតែបានបញ្ចេញបទថ្មីរបស់កញ្ញាដោយមានចំនងជើងថា '' សើចពេលភ្លឺ ឈឺពេលយប់ '' ដែលជាស្នាដៃនិពន្ធរបស់កវីដ៏ឆ្នើមប្រចាំផលិតកម្មសាន់ដេ លោក ហ៊ាង ម៉េងហួរ និង បទភ្លេងដោយ លោក ផេន បូទី ។ គិតត្រឹមរយះពេល 20ម៉ោងបទនេះទទួលបានការចាប់អារម្មណ៍យ៉ាងខ្លាំងរហូតមានអ្នកចូលទស្សនាដល់ទៅ 1សែន4មឺុនដងទៅហើយ ។

មិនត្រឹមតែប៉ុណ្ណោះមានមតិពេញចិត្ត និង សរសើជាច្រើនមកលើកញ្ញាសុខពិសីនឹងបទចម្រៀងមួយបទនេះ ដោយមានអ្នកខ្លះ Comment ថា បទចម្រៀងមួយបទនេះពិរោះ អ្នកខ្លះក៏ Comment ថាត្រូវសាច់រឿង ៕

តោះសូមចូលទៅកាន់ Facebook Page ផ្លូវការរបស់ផលិតកម្មសាន់ដេដើម្បីស្តាប់បទចម្រៀង:

https://web.facebook.com/SUNDAY.PRODUCTION.SD/videos/1672670869434849/

Friday, May 11, 2018

"ហេតុអ្វីយកអូនលេងសើច?"ពីកញ្ញាសុខពិសី ទទួលបានជោគជ័យខ្លាំង 1សប្តាហ៍មានអ្នកចូលទស្សនា1លាននាក់ជាង

បន្ទាប់ពីទទួលបានជោគជ័យស្ទើតែគ្រប់បទចម្រៀង ថ្មីៗនេះកំពូលតារាចម្រៀងសម្លេងផ្អែម កញ្ញាសុខពិសីក៏ទើបតែបានបញ្ចេញបទចម្រៀងថ្មីមួយបទដែលមានចំនងជើងថា "ហេតុអ្វីយកអូនលេងសើច" ក្រោមស្នាដៃនិពន្ធរបស់កញ្ញា កែវ បូផា ដែលធ្វើឲ្យកក្រើកប្រជាប្រិយភាពរបស់កញ្ញាសារជាថ្មី ដោយមួយបទនេះទទួលបានមតិពេញចិត្ត និងសរសើជាច្រើនពីសំណាក់មិត្តៗយុវវ័យក៏ដូចជាបណ្តាអ្នកគាំទ្ររបស់កញ្ញាផងដែរ ។

បន្ទាប់ពីរយះពេល១សប្តាហ៍កន្លងផុតទៅក្រឡែកឃើញថាបទចម្រៀងរបស់កញ្ញាសុខពិសីមួយបទនេះ ទទួលបានការគាំទ្រយ៉ាងខ្លាំង លេីសពីការរំពឹងទុករបស់កញ្ញាទៀតផង ដោយមានអ្នកចូលទស្សនានៅលើបណ្តេញសង្គមដល់ទៅ ១លានអ្នកជាង និងនៅក្នុង Youtube មានចំនួនច្រេីនដូចគ្នា ដែលធ្វើឲ្យតារាចម្រៀងស្រីសាច់សខ្ចី សម្តីពិរោះរូបនេះ នៅតែជាគ្រាប់ពេជ្ររបស់បណ្តាអ្នកគាំទ្រ មិនថាបទចម្រៀងមួយណាសុទ្ធសឹងតែពិរោះរណ្តំចិត្តក្រៃលែង ៕

ទស្សនាវីដេអូ :

Tuesday, February 27, 2018

IU បរិច្ចាគប្រាក់រាប់ម៉ឺនដុល្លារឲ្យវិទ្យាល័យខ្លួនធ្លាប់រៀន

តារាចម្រៀង និងសម្ដែង IU ជាតារាស្រីដែលលេចមុខជារឿយៗក្នុងសកម្មភាពមនុស្សធម៌ នាពេលកន្លងមក ហើយពេលនេះនាងវិលមកសាជាថ្មីជាមួយអំពើល្អមួយទៀតហើយ។IU ដែលជាអតីតសិស្សដែលបានបញ្ចប់ការសិក្សាពីវិទ្យាល័យ Dongduk Women High School បានបរិច្ចាគថវិកាផ្ទាល់ខ្លួនសរុបប្រមាណ ២០លានវ៉ុន (ប្រហែល ១៨ ៦០០ដុល្លារ) សម្រាប់កម្មវិធីអាហារូបករណ៍ក្នុងក្ដីសង្ឃឹមជួយដល់សិស្សប្អូនជំនាន់ក្រោយឲ្យបានរៀនសូត្រ។សម្រាប់អាហារូបករណ៍នេះដែរ នឹងត្រូវប្រគល់ជូនសិស្ស ៤នាក់ដែលជ្រើសរើសផ្ទាល់ពីសាលានោះ៕

“Black Panther” បំបែកឯកត្តកម្មមួយទៀតនៅ Box Office

ភាពយន្ត "Black Panther” បានបំបែកឯកត្តកម្មដ៏ធំប្រចាំប្រវត្តិសាស្ត្រ របស់ផលិតកម្ម Marvel ដោយរកចំណូលបានខ្ទង់រយលានដុល្លារនៅសប្ដាហ៍ទី២។ ភាពយន្តដែលដឹកនាំដោយលោក Ryan Coogler មានលទ្ធភាពរកចំណូលបានដល់ទៅ ១០៨លានដុល្លារ ចំពោះសប្ដាហ៍ទី២ ធ្វើឲ្យចំណូលសរុបតែក្នុងសហរដ្ឋអាមេរិកបានកើនទៅដល់ ៤០០លានដុល្លារឯណោះ។នេះជាភាពជោគជ័យដ៏ធំមួយ ក្នុងសប្ដាហ៍ទី២ ដោយមានតែប៉ុន្មានរឿងធំៗនេះតែប៉ុណ្ណោះដែលអាចធ្វើបាន ដូចជា "Star Wars: The Force Awakens”, “Jurrasic World” និង "The Avengers” ដែលរកចំណូលបានច្រើនជាង១០០លានដុល្លារក្នុងសប្ដាហ៍ទី២។

EXO និង CL ពួតដៃគ្នាញ៉ាំងព្រឹត្តិការណ៍បិទកីឡាអូឡាំពិកយប់មិញឡើងកក្រើក

កម្មវិធីបិទព្រឹត្តិការណ៍កីឡាអូឡាំពិករដូវរងាទីក្រុងព្យុងឆាងឆ្នាំ២០១៨ បានបញ្ចប់ទៅដោយរលូនកាលពីថ្ងៃទី ២៥ ខែកុម្ភៈម្សិលមិញដោយបន្សល់នូវអនុស្សាវរីយ៍ជាច្រើន។អ្វីដែលគ្រប់គ្នាមិនអាចបំភ្លេចបាននោះគឺ ទស្សនីយភាពសម្ដែងរបស់កំពូលតារា K-Pop ២រូប/ក្រុម គឺ CL និង EXO។ អ្នកដែលមានវត្តមានក្នុងព្រឹត្តិការណ៍នោះទាំងអស់ពិតជារំភើបចិត្តឥតឧបមា ខណៈចូលរួមផ្ទាល់ក្នុងកម្មវិធីពិសេសកាលពីយប់មិញ នៅពហុកីឡដ្ឋាន PyeongChang Olympic Stadium ទីក្រុងព្យុងឆាង ប្រទេសកូរ៉េខាងត្បូង។បង្ហាញខ្លួនមុនគេ CL បានលើកយកបទចម្រៀងដ៏ល្បី "The Baddest Female” និង "I Am The Best” របស់ក្រុម 2NE1។ សំឡេងហ៊ោលាន់ស្ទើរកក្រើកមេឃ អំឡុងពេលតារាស្រីរូបនេះសម្ដែង ពិតជាបានធ្វើឲ្យកម្មវិធីមានភាពអស្ចារ្យថែមមួយកម្រិត។

ថ្ងៃនេះ G-Dragon ចូលបំពេញកាតព្វកិច្ចជាទាហានផ្លូវការហើយ

ថ្ងៃនេះជាថ្ងៃកំណត់ដែលកំពូលតារាចម្រៀងកូរ៉េ G-Dragon ចាប់ផ្ដើមចូលបំពេញកាតព្វកិច្ចដ៏សំខាន់ជូនជាតិជាផ្លូវការហើយ។មេក្រុម BIGBANG និងជាអ្នកនិពន្ធបទចម្រៀង G-Dragon ដល់ពេលកំណត់ចូលបម្រើក្នុងជួរទាហានជាផ្លូវការហើយនៅថ្ងៃទី ២៧ ខែកុម្ភៈ ឆ្នាំ ២០១៨នេះ។ ជាជំហានដំបូងលោកត្រូវចូលហ្វឹកហាត់ផ្នែកទាហានមូលដ្ឋានរយៈពេល ៥សប្ដាហ៍សិននៅតំបន់ Cheorwon ដែលស្ថិតក្នុងខេត្ត Gangwon។ បន្ទាប់ពីនោះ GD នឹងត្រូវបញ្ជូនចូលទៅក្នុងក្រុមទាហានតែម្ដង ដែលជាកន្លែងលោកត្រូវបំពេញកាតព្វកិច្ចធំក្នុងនាមជាទាហាន។ទោះបី តារាប្រុសរូបនេះត្រូវឃ្លាតឆ្ងាយពីសិល្បៈ និងមនុស្សជាទីស្រឡាញ់រយៈពេល ២ឆ្នាំ ប៉ុន្តែគ្រប់គ្នាដែលជាអ្នកគាំទ្រនឹងនៅតែចងចាំលោកជានិច្ច៕