បន្ទាប់ពីចេញម៉ូឌែលទូទៅរួច រាល់ម៉ូឌែលដែលដេញស៊េរីបន្ទាប់ តែងតែជាម៉ូឌែល S មុននឹងចេញម៉ូឌែលថ្មីផ្សេង ដែលមានរូបរាងកាន់តែប្រសើរ។ សម្រាប់ឆ្នាំ 2018 នេះ iPhone X របស់ Apple កំពុងតែទទួលបានជោគជ័យខ្លាំង មានអ្នកប្រើប្រាស់រាប់សិបលាននាក់ ក៏នឹងត្រៀមចេញជំនាន់ Update ថ្មីមួយទៀតផងដែរ តែមិនដឹងថា Apple នឹងដាក់ឈ្មោះឲ្យវាដូចម្ដេចនៅឡើយទេ។មកដល់ថ្ងៃនេះ យើងបានប្រទះឃើញនូវអេក្រង់បែកធ្លាយថ្មីមួយទៀតជាលើកដំបូង ដែលអេក្រង់នេះត្រូវបានសារព័ត៌មានអះអាងថា ជាអេក្រង់ការពារខាងក្រៅ ដែលត្រូវបានយកចេញពីរោងចក្រផលិតអេក្រង់ OLED របស់ក្រុមហ៊ុន LG នៅក្នុងប្រទេសអ្នកជិតខាង វៀតណាមយើងនឹង។ ជាក់ស្ដែង វាមិនមែនមានត្រឹមតែមួយសន្លឹកនោះទេ គឺមានច្រើនតែម្ដង ប្រហែលថាឆ្នាំនេះ Apple អាចនឹងទិញយកអេក្រង់ OLED ពីក្រុមហ៊ុន LG ជំនួស Samsung ហើយ។ ជាងនេះទៅទៀត ប្រភពដដែល បានលើកឡើងទៀតថា អេក្រង់ Touch ខាងក្រៅនេះមានទំហំលោតដល់ទៅ 6.5 អ៊ីញ ពិតជាធំ អាចកាត់បានមួយពេញដៃម្រាប់ អ្នកមានប្រអប់ដៃធំ តែពិបាកសម្រាប់អ្នកដៃតូច។
រូបភាពខាងលើអាច ជារឿងកំពុងកើតឡើង ហើយនឹងយកទៅបំពាក់នៅលើ iPhone Xs Plus របស់ Apple នាឆ្នាំនេះ បើទោះបីជាយើងមិនដឹងច្បាស់ថា តើ Apple នឹងដាក់ឈ្មោះឲ្យ iPhone របស់ខ្លួននាឆ្នាំនេះ ឲ្យមានឈ្មោះអ្វីឲ្យប្រាកដក៏ដោយ! អញ្ចឹង នេះគ្រាន់តែជារូបភាពបែកធ្លាយជាលើកដំបូង ដែលអះអាងថាចេញពីរោងចក្រផលិតអេក្រង់ ខាងមុខ យើងនឹងបន្តឃើញរូបភាពបែកធ្លាយជាច្រើនទៀត ទម្រាំដល់ខែកញ្ញា ទើប iPhone ថ្មីចេញជាផ្លូវការ!
No comments:
Post a Comment